A décimo sexta etapa do Tour 2018 foi neutralizada a 28 quilómetros da saída en Carcassone por mor dunha manifestación, segundo informou a organización.
O pelotón foi neutralizado polo director de carreira, Christian Prudhomme, a falta de 187,7 quilómetros da liña de chegada en Bagneres de Luchon debido a unha protesta a favor de preservar zonas agrícolas desfavorecidas.
Algúns manifestantes arroxaron ao paso do pelotón algún tipo de líquido irritante e gases lacrimóxenos que obrigaron a un bo número de ciclistas a lavar a cara.
A carreira reemprendeu a marcha uns cinco minutos despois de xeito neutralizado ata que a falta de 185,7 quilómetros se volveu dar unha nova saída da etapa.