O australiano Nick Kyrgios foi descualificado este xoves do Masters 1000 de Roma tras lanzar unha cadeira á pista durante o partido de segunda rolda que disputaba contra o noruegués Casper Ruud.
Kyrgios, que xa creara polémicas pola súa actitude a súa estrea contra o ruso Daniil Medvedev, perdeu a calma tras ir perdendo por 2-1 no set decisivo, lanzou a súa raqueta ao chan con rabia, e a continuación agarrou unha das cadeiras do seu lado para lanzala ao centro da pista.
O australiano tamén golpeou cun pé unha botella e o árbitro ordenou a súa descualificación de forma inmediata, o que deu a Ruud o pase aos oitavos de final. Nese momento, o resultado era 6-3, 6-7(5) e 2-1 a favor do noruegués.
Era o segundo partido de Kyrgios nesta edición do torneo romano, logo de imporse por 6-3, 3-6 e 6-3 a Medvedev na pista central, recibindo os pitos de parte dos afeccionados por unha serie de actitudes pouco profesionais.
Ruud, xogador procedente da fase de clasificación, xogará os oitavos de final contra o arxentino Juan Martín
