Javi Gracia, o adestrador que tan bo recordo deixou en Pasarón tras estar unha tempada e un cuarto doutra entre os anos 2007 e 2008, está a un paso de fichar polo Rubin Kazan ruso.
O adestrador navarro, que acaba de completar a súa segunda tempada á fronte do Málaga, manexa unha oferta irrexeitable: catro anos de contrato e un salario que multiplica varias veces o que percibe na cidade andaluza.
Gracia, que disputou dúas fases de ascenso a Segunda co Pontevedra, ten contrato co Málaga ata xuño de 2019 e a súa cláusula de rescisión é de 1,2 millóns. Nos próximos días podería confirmarse o seu salto á liga rusa.
