Iker Casillas optará a ser o novo presidente da Federación Española de Fútbol. Así o anunciou este martes pola noite El Larguero da Cadena Ser, dando por feito que o exporteiro do Real Madrid xa tomou a decisión e presentarase ás eleccións "sexan cando sexan". É máis, Manu Carreño desvelou que o aínda gardameta do O Porto xa llo comunicou ao Consejo Superior de Deportes.
A noticia de que Casillas barallaba colgar as luvas e dar este paso xa era coñecida, pero dependía da data dos comicios, porque segue sendo futbolista co club portugués. A confirmación implica que será o rival de Luís Rubiales, que opta a presidir a RFEF outros catro anos, adiántense ou non as eleccións.
Recentemente chegou a especularse coa posibilidade de que, se o porteiro non se presentaba, sería o expresidente do Goberno Mariano Rajoy quen disputaría o cargo a Rubiales.
