O piloto español Dean Berta Viñales, de 15 anos, faleceu este sábado no Circuíto de Xerez-Ángel Nieto por mor dun accidente na carreira de Supersport 300 dentro do programa do Campionato do Mundo de Superbike, que se disputa no trazado andaluz este fin de semana.
A actividade deportiva quedou suspendida no Circuíto de Xerez este sábado tras o suceso, segundo informou a organización.
Viñales é primo do piloto do Mundial de MotoGP Maverick Viñales e, logo de proclamarse campión de Cataluña en 2017, corría a súa primeira tempada no Mundial de Superbike.