Falece a lenda do golf estadounidense Arnold Palmer aos 87 anos

A lenda estadounidense do golf Arnold Palmer faleceu este luns aos 87 anos en Pittsburgh (Pensilvania) por causas que aínda se descoñecen, adiantou a revista especializada Golf Digest e confirmou a Asociación do Golf de Estados Unidos (USGA).

"Arnold Palmer morreu aos 87 anos. Descansa en paz, Arnie. A túa es para sempre unha lenda no golf e na vida", anunciou a publicación na súa conta de Twitter.

"Estamos profundamente entristecidos pola morte de Arnold Palmer, o máis grande embaixador do golf, aos 87 anos", escribiu pouco despois a USGA na mesma rede social.

Palmer foi hospitalizado para preparación dunha cirurxía do corazón, segundo explicou ao Washington Post Doc Griffin, un dos seus asistentes máis próximos, que dixo descoñecer a causa exacta da súa morte.

Segundo o diario local Pittsburgh Post-Gazette Palmer ingresou o xoves no Hospital Presbiteriano do Centro Médico da Universidade de Pittsburgh para someterse a exames do corazón e morreu este luns no mesmo centro.

LENDA. O carismático e telegénico golfista, que emerxeu como estrela do deporte nos anos cincuenta, está considerado como un dos mellores na historia do golf e atribúeselle o seu popularización a través da televisión.

En 1954, cando tenia 25 anos de idade, proclamouse campión amateur dos Estados Unidos e en 1955 pasou ao profesionalismo.En 1958 gañou o torneo Masters, que repetiu en 1960, 1962 e 1964.

Palmer (Latrobe, Pensilvania, 1929), que o conseguiu todo como profesional, foi elixido Atleta da Década nos anos 60.

Tamén recibiu a Medalla Presidencial da Liberdade e a Medalla de Ouro Congresional.

Ademais de converterse no primeiro golfista que superou un millón de dólares, logo de conseguir o maior premio que gañou, de 50.000 dólares.