O xuíz da Audiencia Nacional José de la Mata admitiu a trámite unha querela da empresa DIS, que tiña parte dos dereitos do brasileiro Neymar da Silva, contra este xogador e o presidente do Barcelona, Josep Maria Bartomeu, por delitos de corrupción entre particulares e estafa.
Segundo confirmaron a Efe fontes xurídicas, a querela diríxese tamén contra o Fútbol Club Barcelona, o seu expresidente Sandro Rosell, o pai de Neymar, o club brasileiro Santos e o seu presidente e expresidente.
A empresa xa intentou, sen éxito, persoarse na causa que instruía a Audiencia Nacional sobre a fichaxe de Neymar, que agora se trasladou aos xulgados de Barcelona, e agora presentou unha nova querela porque se considera estafada pola fichaxe.
DIS considera que lle correspondía un 40 % dos 17,1 millóns de euros que pagou o Barcelona aos Santos polos dereitos federativos do xogador, un prezo que DIS cre ademais baixo.
Admiten unha querela contra Neymar e Bartomeu
Acúsasanos de delitos de corrupción entre particulares e estafa. A denuncia diríxese tamén contra o expresidente Sandro Rosell
