O Vicente Calderón acollerá a final da Copa

O madrileño Vicente Calderón, propiedade do Atlético de Madrid, albergará a final da Copa do Rei de fútbol 2016, que enfrontará ao Barcelona e ao Sevilla, o próximo 22 de maio, segundo anunciou o club andaluz.

A decisión de que o Vicente Calderón sexa a sede da final de Copa, foi adoptada na tarde deste luns, durante a reunión que a xunta directiva da Real Federación Española de Fútbol mantivo na súa sede da Cidade do Fútbol de Las Rozas (Madrid).

Ata agora, o Vicente Calderón acolleu a 12 finais da Copa do Rei: 1972-73, 1973-74, 1974-75, 1976-77, 1978-79, 1980-81, 1985-86, 1988-89, 1993-94, 2004-05, 2007-08 e 2011-12.

Destas 12 finais, o Barcelona estivo presente en catro delas: caeu nas de 1973-74, ante o Real Madrid, e 1985-86, fronte ao Real Zaragoza; mentres alzou o trofeo nas de 1980-81, contra o Sporting Xixón, e 2011-12, co Athletic Club Bilbao.

O Sevilla, das sete finais copeiras disputadas, das que gañou cinco, ningunha xogouna no Vicente Calderón. Fíxoo, en cambio, no estadio do eterno rival madrileño, o Real Madrid, tanto cando era Chamartín (1935), Novo Chamartín (1947-48) e Santiago Bernabéu (1955, 1961-62, 2006-07).