O programa Deportes Cope, que dirixe Manolo Lamba, informaba antes do inicio do partido que enfrontou ao Sporting de Xixón co Eibar de Copa, que o conxunto vasco podería incorrer en aliñación indebida do central Gálvez, xa que arrastraba un terceiro cartón amarelo da tempada 2013-14 cando xogaba co Rayo e que recibira nunha eliminatoria contra o Levante.
O Eibar estivo moi preto de incorrer nesta infracción. No entanto, o conxunto rectificou a tempo e decidiu non aliñar a Gálvez logo de anuncialo previamente na once inicial.
Un caso máis soado que chegou a materilizarse foi o que produciu a eliminación do Real Madrid ante o Cádiz nun partido de Copa. Naquela ocasión, Denis Cheryshev entrou na once inicial de Rafa Benítez cando non podía figurar, xa que o ruso arrastraba unha sanción da tempada anterior cando xogaba no Villarreal.