O italiano Valerio Conti (Lampre) impúxose na décimo terceira etapa da Volta, a máis longa da presente edición, de 213,4 quilómetros entre Bilbao e Urdax-Dantxarinea, na que o colombiano Nairo Quintana (Movistar) mantivo a camisola vermella de líder.
O italiano, de 23 anos, levantou os brazos en solitario cun tempo de 5h.29.04, a unha media de 38 kms/hora. A continuación entraron a un minuto o suízo Danilo Wyss (BMC) e o ruso Sergey Lagutin (Katusha).
Nunha xornada de paseo para os favoritos, o pelotón entrou cun atraso de 34 minutos.
Nairo Quintana conservou o xersei vermello en véspera da etapa reina da Volta con final no Aubisque. O colombiano avantaxa en 54 segundos ao británico Chris Froome (Sky) e en 1.05 minutos ao español Alejandro Valverde (Movistar).