O Celta de Vigo presentará ante o Comité de Competición da Real Federación Española de Fútbol (RFEF) alegacións á acta arbitral do partido contra Betis pola expulsión do adestrador Antonio Mohamed, informaron fontes do club galego.
Tras asinar Brais Méndez o 2-2, o técnico arxentino foi expulsado no minuto 69 por dirixirse "de xeito provocador" ao banco local, gesticulando "ostensiblemente" e dicindo "e os balóns, e os balóns", segundo recolleu o colexiado Estrada Fernández na acta.
"NON É XOGO LIMPO". Unha reacción que veu motivada, segundo explicou Mohamed tras o encontro, pola actitude dos recogepelotas do Betis, aos que acusou de esconder os balóns cando o equipo bético ía gañando 2-0.
"Eu non faltei ao respecto a ninguén, soamente queixeime porque esconderon os balóns e non é xogo limpo gañando 2-0. E cando nos puxemos 2-2 díxenlles que os escondesen agora. Expulsáronme por iso. O Betis co ben que xoga non ten necesidade de esconder os balóns", declarou o adestrador do Celta en rolda de prensa.
No Celta confían en que o Comité de Competición non sancione ao seu adestrador para que se poida sentar no banco de Balaídos o vindeiro domingo no partido ante o Real Madrid.