O Celta de Vigo oficializou este xoves a fichaxe do defensa internacional ganés Joseph Aidoo, quen se comprometeu por cinco tempadas coa entidade galega, que pagou preto de oito millóns de euros polo seu traspaso ao Genk belga.
"O RC Celta asina ilusión, solidez, calidade e rapidez para a súa defensa", destaca no seu comunicado a entidade que preside Carlos Mouriño, que define ao central africano como "un defensor robusto, de gran presenza física e excelso manexo de balón".
"A súa gran envergadura e o seu poder de anticipación permítenlle ser unha ameaza balón parado e un seguro nas transicións defensivas, apunta o Celta, que presentará mañá ao futbolista ás sete da tarde no estadio municipal de Balaídos.
