O adestrador do Sevilla, Joaquín Caparrós, anunciou este domingo, á conclusión do partido que o seu equipo gañou en Valladolid (0-2), que padece unha leucemia pero que esta enfermidade non necesita tratamento nin lle impide seguir co seu traballo.
O técnico utrerano, que cumpre o seu cuarto partido no Sevilla tras a destitución de Pablo Machín, sinalou na sala de prensa do estadio José Zorrilla que se lle diagnosticou esta enfermidade pero que se lle detectou a tempo e que quixo anuncialo para evitar "máis comentarios".
Caparrós resaltou que se lle nota "na cara" que está "feliz" e que quere "transmitir" a todos os que o queren que vai dar moita guerra".