Berizzo viaxará con todo o persoal a Mánchester

O adestrador do Celta de Vigo, Eduardo 'Toto' Berizzo, convocou a todo o persoal para o histórico partido de volta das semifinais da Europa League contra o Manchester United, incluído o porteiro da filial Iván Villar.

O único futbolista que non estará en Old Trafford é o dianteiro Giuseppe Rossi, que se atopa en Dallas (EE UU) recuperándose da grave lesión que sufriu no seu xeonllo esquerdo no partido da liga Santander contra o Vilarreal.

A lista completa fórmana: Sergio, Iván Villar, Rubén, Hugo Mallo, Fontás, Pape, Marcelo Díaz, Radoja, Bongonda, Pablo Hernández, Guidetti, Iago Aspas, Sisto, Beauvue, Lemos, Jozabed, Hjulsager, Wass, Jonny, Sergi Gómez, Planas, Cabral, Señé, Roncaglia.