O Barcelona e o Celta de Vigo pecharon este sábado o traspaso do centrocampista Denis Suárez ao club galego, informaron a Efe fontes próximas ao futbolista, primeiro reforzo celeste para o curso 2019-20.
O internacional español, un vello soño do presidente e máximo accionista Carlos Mouriño, regresa oito despois ao Celta, club que abandonou para ingresar nas categorías inferiores do Manchester City, que o acabaría traspasando ao Barcelona no verán de 2013.
Denis saíu cedido ao Sevilla e despois militou no Vilarreal antes de regresar de novo ao Camp Nou. En xaneiro deste ano o Barcelona cedeuno outra vez ao Arsenal, onde apenas gozou de minutos por culpa dunha lesión.
O centrocampista asinará un contrato co Celta por catro tempadas, e podería ser presentado a próxima semana na Sede.
