O futbolista Andrew Hjulsager atópase de viaxe cara a Vigo para concluír o proceso para a súa fichaxe polo Celta, informou este martes o club danés Brondby no seu portal de Internet.
Segundo o director deportivo do Brondby, Troels Bech, o club tratou de renovar o seu contrato, que finalizaba o próximo 30 de xuño, con Hjulsager, integrante da selección danesa sub21.
Con todo, foi imposible porque o futbolista desexa xogar na liga española co Celta, club co que xa alcanzou un principio de acordo, precisou.
Se supera o recoñecemento médico ao que será sometido nas próximas horas, o centrocampista converterase no segundo reforzo invernal do equipo galego, tras Jozabed Sánchez. En caso de establecer un contrato co Celta, coincidirá en Vigo cos seus compatriotas Daniel Wass e Pione Sisto.
Andrew Hjulsager viaxa a Vigo para pechar a súa fichaxe polo Celta
O club danés Brondby intentou renovar o contrato do xogador, pero o futbolista, segundo o equipo, quería xogar na Liga española
Deporte General
Unha ximnasta de 17 anos falece "de forma súbita" debido a unha meninxite
18/abr./24
