O Ajax confirmou o seu papel de equipo revelación da liga de Campións e conquistou o Tottenham Hotspur Stadium na ida das semifinais da liga de Campións, grazas a un tanto de Van de Beek (0-1) que o deixa a un paso da gran final de Madrid.
Converteuse con 22 anos Van de Beek no terceiro goleador máis novo nunha semifinal da liga de Campións. O seu tanto foi un premio ao descaro dun Ajax que xoga gozando do fútbol e golpeou a un Tottenham que acusou as baixas das súas estrelas Harry Kane e Son.
Ao cuarto de hora chegou o tanto de Van de Beek, de disparo cruzado, e pouco despois perdoaba o segundo pecando de individualista con Neres só para marcar. Os intentos do Tottenham crearon perigo só na cabeza de Toby Alderweireld en accións a balón parado. No minuto 78 Neres puido sentenciar o pase á final pero o seu zurdazo repeleuno o poste.
