Valencia-Real Madrid e Barcelona-Atlético de Madrid serán as semifinais da Supercopa de España, que se disputará en Yeda (Arabia Saudita), segundo o sorteo celebrado este luns na Cidade do Fútbol de Las Rozas.
O torneo, de novo formato de final entre catro, xogarase no estadio Rei Abdullah de Yeda. A primeira semifinal disputarase o mércores 8 de xaneiro entre valencianistas e madridistas, a segunda o xoves 9 entre azulgranas e atléticos, e a final o domingo 12 de xaneiro.
As mulleres poderán acceder aos partidos libremente e sen restricións, de forma que non haberá zonas limitadas para elas, segundo confirmaron fontes da RFEF.