lunes. 18.01.2021 |
El tiempo
lunes. 18.01.2021
El tiempo

FICHA TÉCNICA

77-79. O Obradoiro roza a proeza ante o Laboral

Un momento del partido disputado este viernes en A Coruña
Un momento del partido disputado este viernes en A Coruña
O equipo compostelán vendeu cara a derrota ante o conxunto de Perasovic. O equipo vitoriano enfrontarase en semifinais ao Real Madrid

O Laboral Kutxa sufriu para conseguir a clasificación para as semifinais da Copa do Rei, e de feito non o fixo ata o último segundo dun partido que o Rio Natura Monbus Obradoiro levou ao límite grazas á súa entrega, traballo e loita (77-79).

Unha defensa en zona e unhas ganas inmensas de saída valéronlle ao Obradoiro para comezar o seu partido de cuartos de final ante o Laboral Kutxa cun marcador favorable de 6-0 (min.1.30) coa consecuente algarabía da bancada do Coliseum.

A réplica veu da man do francés Fabien Causeur, que roubou e anotou na contra dous balóns de ouro para empatar a 6 (min.3.30). Darius Adams, na seguinte xogada, anotou un triplo (6-9) que deu a primeira vantaxe aos vitorianos.

Pasada a efervescencia da saída, o Obradoiro intento pór un alto ritmo ao partido, pero se atopou cun Laboral Kutxa moi metido no choque que non só anotou con fluidez, senón que defendeu cunhas moi altas prestacións que maniataron as ansias anotadoras locais. Ao final do primeiro cuarto o 12-24 cheirou a chamusquina para os intereses galegos, ao non dar coa tecla necesaria para frear a sangría de puntos do Laboral Kutxa.

No segundo período, Moncho Fernández, adestrador dos locais, cambiou a táctica e pasou a defensa individual cunha nova volta de porca en canto a intensidade dos seus xogadores. Custou traballo, moito traballo, pero ese esforzo e o terceira persoal do pivote grego Ioannis Bourousis no minuto 13 (16-26), que determinou o seu paso ao banco, comezou a dar froitos pouco despois.

Os galegos achegáronse ata os catro puntos, 26-30 (min.17) e pecharon o segundo acto cun 30-35 que lles permitiu seguir soñando no descanso.

Juanjo Triguero, en tres ocasións consecutivas aumentou a renda galega ata os catro puntos, 55-51 foi a última delas, pero o húngaro Adam Hanga sostivo aos vitorianos neses momentos difíciles. O terceiro cuarto finalizou cun 60-58 e un parcial de 30-23, sinal de que a defensa vasca tomouse este cuarto de asueto.

Con dous puntos de vantaxe e dez minutos por diante o Obradoiro tivo que loitar contra o Laboral Kutxa, os nervios e a presión. O Baskonia igualou o marcador (62-62, min.34), pero trinta segundos despois, e ao límite da posesión, o estadounidense Donnie McGrath cravou un triplo (65-62) que renovou a moral dos locais.

A falta de 2.40 para o final do partido, a igualdade estaba en todo o alto, 70-69, pero un triplo de Hanga e un dous máis un do estadounidense Darius Adams, 70-75 (min.28.30) acabaron de decantar a vitoria para un Baskonia que sufriu moito máis do esperado.

O Obradoiro seguiu loitando e un triplo de Brown permitiulle achegarse a un punto, 76-77, a falta de 17.4 segundos, pero o soño dos galegos non puido converterse en realidade e o equipo vitoriano enfrontarase en semifinais co Real Madrid.

77-79. O Obradoiro roza a proeza ante o Laboral
comentarios