70-61. O Básquet Coruña xogará a final da Copa Galicia tras gañar ao COB

O Leyma Básquet Coruña impúxose este sábado ao Club Ourense Baloncesto (COB) (70-61) na única semifinal da Copa Galicia, entre dous clubs de LEB Ouro, de modo que se medirá este domingo ao Rio Natura Monbus Obradoiro no partido polo título.

Aínda que o máis destacado do partido foi Diego Kapelan, do COB, con vinte e seis puntos, impúxose o Leyma Básquet Coruña, en parte grazas aos dezaoito tantos de Sergio Olmos e aos once de Gediminas Zyle (70-61, min. 40).

O equipo dirixido por Tito Díaz clasifícase así para a final da Copa Galicia, que se xogará este domingo en Noia fronte ao Rio Natura Monbus Obradoiro, un conxunto que milita na liga Endesa.