O conxunto de Francia impúxose ao de España por 3-0, grazas á contundente vitoria no encontro de dobres, que acabou con vitoria de Julien Benneteau e Nicolas Mahut fronte a Feliciano López e Marcel Granollers por un contundente 6-0, 6-4 e 7-6 (7), en dúas horas e catro minutos, e certificou o seu pase á final da Copa Davis.
Francia medirase na final, do 23 ao 25 de novembro, co gañador da outra semifinal que se disputa en Zadar entre Croacia e EE UU De gañar Croacia, que domina no marcador por 2-0, os franceses xogarían en casa. Se gaña Estados Unidos, o conxunto de Yannick Noah tería que disputar a 19ª final do seu palmarés (gañou dez veces o título) en territorio americano.
España cedeu o primeiro set en só 18 minutos, tras gañar unicamente cinco puntos. Feliciano López recibiu un pelotazo no ollo dereito nun dos intercambios do segundo set e o dúo español desperdiciou un 4-1 de vantaxe no último parcial. Aínda que salvou dúas bólas de partido, non puido co resto cruzado de Benneteau que materializou o triunfo.
Coa eliminatoria xa decidida en Lille, este domingo disputarase un só partido, e ao mellor de tres sets. Só xogarase o quinto punto se hai acordo entre os dous capitáns e o xuíz árbitro da eliminatoria.
