O Deportivo despediu a tempada cunha derrota (1-0) nos Pajaritos que lle deixa sen praza para a Copa do Rei e que tampouco serve ao seu verdugo, o Numancia, que quedou sen billete á Primeira Federación, nova categoría de bronce, polo que terá que competir a próxima tempada no cuarto nivel do fútbol español.
O equipo galego presentouse nos Pajaritos coa praza da Primeira Federación asegurada e con cinco cambios nunha aliñación condicionada polas baixas.
Os deportivistas tiveron bos minutos en Soria, pero non concretaron as súas opcións ofensivas e o Numancia adiantouse cunha falta directa nos instantes previos ao descanso.
Na segunda parte, nin os sorianos puideron ampliar a súa renda nin os deportivistas lograron rescatar botín algún, aínda que a Salva Ruiz anuláronlle un gol por un fóra de xogo dubidoso.
A pesar da vitoria, o Numancia non puido evitar o segundo descenso consecutivo, xa que o Racing de Ferrol gañou ao Mariño de Luanco en Miramar e acompañará ao Deportivo na terceira categoría, mal menor para o conxunto branquiazul, que, como o sorianos, aspiraba a regresar ao fútbol profesional.