Para Víctor Manuel, 50 anos non son nada. A súa extensa traxectoria non inflúe na ilusión que o cantante pon sobre o escenario. O Gustavo Freire abarrotado deu conta este venres diso na presentación do seu último traballo, Casi nada está en su sitio.
O repertorio clásico de Víctor Manuel mesturouse cos novos temas. "Trato de contar o que vexo ao redor, que a realidade entre nas cancións", explica o músico sobre as trece novas cancións.
Temas como Allá arriba en el norte mesturáronse este venres con outras máis críticas como Que vengan todos ou Nos están preguntando. "O mundo está descoxuntado, movéndose a unha velocidade que aos mortais nos resulta moi chocante", explicou Víctor Manuel.
