Amante da música desde que era un neno Gabi Planas lanza novo sinxelo. Este artista madrileño pero lucense "de corazón" avanza que este tema será un avance para o novo disco que espera sacar ao mercado este mesmo ano.
Presenta novo sinxelo dous anos logo de publicar o disco Adeus Juan Capitán. ¿Que se vai a atopar o público?
É un tema que gravei o pasado ano e terminei de maquetar a semana antes de que comezase a pandemia. É unha canción con influencia setenteira, disco e sen perder a esencia máis rockeira que é o que máis me entusiasma. É un tema pegadizo, alegre e bastante apropiado para estes momentos. Estou moi contento. A produción fíxoa o madrileño José Nortes que gravou con grupos moi recoñecidos.
Preséntao cun curioso videoclip que mestura fotos de América dos anos 50, imaxes divertidas, debuxos animados...
Si, son imaxes curiosas que van bastante acorde co sinxelo. Considero que quedou moi ben e espero que a xente goce con el. A canción, que presentarei o día 6 na Sala Siroco de Madrid, formará parte dun novo traballo que quero que vexa a luz este ano se a pandemia o permite. Podo avanzar que serán cancións cun enfoque un pouco diferente cara a outros estilos sen perder a miña verdadeira esencia.
A súa paixón pola música e a batería vénlle desde que era neno. ¿É vocacional ou de tradición familiar?
A batería foi o meu primeiro instrumento, é co que me sinto máis cómodo e sobre o que teño máis dominio. Agora tócoa nun grupo chamado Salto. En xeral a música apaixonoume desde que era un cativo, pero a verdade é que o mamei na casa, somos unha familia bastante musical, o meu irmán tamén se dedica a isto.
O seu salto ao mundo da música foi en 2009 en Los Ángeles, estivo cinco anos tocando nun coro góspel. ¿Como recorda a experiencia?
Antes diso estiven a facer os meus primeiros pasos en España en varios grupos e en 2009 decidín probar sorte en Los Ángeles. Casualmente era a igrexa á que acudía o gran músico do soul Billy Preston. Foi unha experiencia moi enriquecedora e incrible.
Naceu en Bilbao, leva tempo vivindo en Madrid, pero ten raíces en Lugo.
O meu pai Guillermo Planas Roca, é lucense, e temos un arraigo moi forte con Galicia e con Lugo en particular. Pasei moitos veráns en O Vicedo. Procuro ir un par de veces ao ano porque teño familia e moitos amigos. Tiña pendente ir coa miña banda Salto á capital lucense a tocar, pero coa pandemia trastocáronsenos os plans. A verdade é que me considero un terzo galego e téñolle moito agarimo a esa terra.
