Joaquín Sabina foi operado con éxito dun "pequeno golpe na cabeza", un derrame cerebral intracraneal. O cantautor está en observación na Uci desde que ingresou este mércores á noite na clínica Ruber tras sufrir unha caída durante unha actuación. O seu representante, José Navarro, Berry, explicou que todo saíu "ben". "Non estamos alarmados", engadiu. O cantante presenta ademais tres fisuras limpas no ombreiro esquerdo que só requirirán inmovilización.
Sabina se ha caído del escenario a plomo. Lo sacan en camilla. El Wizink con el alma en vilo. pic.twitter.com/uIPHC0UOoo
— Isidro López de Toro (@isilopeztoro) February 12, 2020
O ingreso na Uci é "o procedemento normal" nun paciente cos antecedentes de Sabina, que ten un complicado historial de saúde, incluído un derrame cerebral en 2001. Berry tamén sinalou que o cantante "durmiu e pasou moi boa noite".
Sabina cayó del escenario a minutos de haber iniciado el show.... espantoso!!! Se lo llevaron en camilla y dijeron que hablaba mientras lo revisaban #JoaquinSabina Sabina pic.twitter.com/sH0psRtiFn
— 💚me cai deL cieLo💚 (@Fernanditaboop) February 12, 2020
Tras o "golpetazo brutal" que sufriu ao caerse do escenario do Wizink Center de Madrid, onde daba un concerto con Joan Manuel Serrat, Sabina foi trasladado á clínica Ruber, onde se lle apreciaron "tres fisuras limpas sen desprazamento".
Este xoves realizaráselle un escáner completo ademais doutras probas para confirmar o diagnóstico e, polo momento, os médicos prevén que Sabina permaneza ingresado en observación na Uci un mínimo de 48 horas.