O thriller de intriga Código emperador, dirixido por strong<> Jorge Coira e protagonizado por Luis Tosar, ambos os amigos de mocidade, chegará aos cines o próximo 25 de febreiro de 2022.
As primeiras imaxes desta película, ambientada nas altas esferas do poder e a espionaxe do país, xa se poden ver tras a publicación do primeiro trailer.
Segundo informa a produción da película, esta nova colaboración entre o actor e a produtora galega supón un revelador e contemporáneo thriller de intriga inspirado na cara máis oculta da realidade social e política española.
Ademais de Luis Tosar, participan na película Alexandra Masangkay (El hoyo), Georgina Amorós (Élite), Laura Domínguez (Amar es para siempre), Miguel Rellán (Tiempo después), María Botto (Malnazidos), Arón Piper (El desorden que dejas) e Denís Gómez (El vecino), entre outros nomes.
O rabadense Jorge Coira, gañador do Goya á mellor montaxe por El desconocido, dirixe esta nova cinta a partir dun guion escrito por Jorge Guerricaechevarría.
O argumento céntrase en Juan, que cando traballa para os servizos secretos; co fin de ter acceso ao chalé dunha parella implicada no tráfico de armas, achégase a Wendy, a asistenta filipina que vive na casa e establece con ela unha relación que se irá volvendo cada vez mais complexa.
En paralelo, Juan realiza outros traballos "non oficiais" para protexer os intereses das elites máis poderosas do país, que agora puxeron os seus ollos en Ángel
Código emperador é a terceira longametraxe de ficción na filmografía do rabadense Jorge Coira, tras a premiada 18 comidas e a súa ópera prima O ano da garrapata.
Tamén dirixiu varios documentais e series de televisión como Ferro, serie española máis vista en Movistar+, ou Sé quién eres, ademais de exercer como montador en La Unidad ou as longametraxes La sombra de la lei e El desconocido.
