Morre aos 61 anos a cantante de Roxette, Marie Fredriksson

En 2002 diagnosticóuselle un tumor cerebral
La cantante sueca Marie Fredriksson en 2012. EFE
photo_camera A cantante sueca Marie Fredriksson en 2012. EFE

A cantante do grupo sueco Roxette, Marie Fredriksson, morreu aos 61 anos, atendendo á información divulgada este martes por medios locais. "Con gran tristeza temos que anunciar que unha das nosas máis grandes artistas faleceu", reza o comunicado publicado polos representantes da cantante, que apunta que Marie Fredriksson morreu na mañá do 9 de decembro por complicacións derivadas "da súa antiga enfermidade". A cantante levaba anos loitando contra un tumor cerebral que lle foi diagnosticado en 2002. 

O duo Roxette en 2006. EFEO grupo Roxette foi fundado en 1986 e unha das bandas suecas de maior éxito internacional. Vendeu máis de 75 millóns de discos en todo o mundo. Marie Fredriksson tamén desenvolveu unha carreira en solitario desde principios da década de 1980. 

A cantante, nacida o 30 de maio de 1958, debutou en solitario en 1984 e converteuse nunha das artistas máis queridas e exitosas de Suecia. En 1986 fundou con Per Gessle o duo Roxette e "xuntos comezaron a súa histórica viaxe" que nos anos seguintes converteríaos nunha das maiores bandas de pop do mundo, agrega o texto. 
Alcanzaron fama internacional co tema The look ao que seguiron moitos outros números un no top 100 de Billboard como Listen to your heart, It must have been love (da banda sonora de Pretty Woman) e Joyride.

Outros grandes éxitos foron temas como Dressed for successHow do you do!, Sleeping in my car, Dangerous, ou Fading like a flower, entre moitos outros. "Se era grande no estudo, o escenario era o seu hábitat natural", sinala o comunicado.

Un grave tumor cerebral diagnosticado en 2002 obrigouna a someterse a un tratamento agresivo e "grazas ao seu espírito loitador", a cantante puido regresar gradualmente a partir de 2009 aos escenarios. A banda sacou varios discos máis e volveu emprender varias xiras, pero en 2016 os médicos recomendáronlle que deixase os escenarios e se centrase na súa saúde. 

Fredriksson, casada e con dous fillos, "déixanos un gran legado musical" e "a súa marabillosa voz, forte e á vez delicada", así como as súas "máxicas actuacións".

Per Gessle , a outra metade de Roxette, deu as grazas "por todo" á cantante, á que cualificou de excelente "músico, mestra da voz e incrible intérprete". "Grazas por pintar as miñas cancións en branco e negro das cores máis marabillosas. Fuches en corenta anos a máis marabillosa das amigas. Síntome honrado e feliz de ter a oportunidade de compartir tanto do teu tempo, talento, calor, xenerosidade e sentido do humor. As cousas xa nunca serán o mesmo", escribiu.

O Goberno de Suecia sumouse ás manifestacións de tristeza pola perda. "Descansa en paz, Marie Fredriksson. Incrible cantante, tanto con Roxette como en solitario", publicou na súa conta de Twitter.

Comentarios