Morre aos 72 anos Dusty Hill, baixista da banda ZZ Top 

"Botarémoste de menos, amigo"
Dusty Hill. EFE
photo_camera Dusty Hill. EFE

O baixista e fundador da banda ZZ Top Dusty Hill faleceu este mércores aos 72 anos na súa casa de Houston (Texas), segundo anunciou o propio grupo musical nas redes sociais. 

"Entristécenos a noticia de que o noso compadre, Dusty Hill, faleceu mentres durmía na súa casa en Houston, Texas", escribiron os membros da banda Frank Beard e Billy Gibbons nun comunicado. 

No mesmo, sinalaron que estrañarán "a súa presenza firme, a súa boa natureza e o seu compromiso duradeiro" para proporcionar "ese fondo monumental aos 'Top'". "Sempre estaremos conectados a ese Blues Shuffle in. Botarémoste de menos, amigo", despediron. 

En 1969 fundou, xunto ao baterista Frank Beard e o guitarrista Billy Gibbons, a banda de blues/rock ZZ Top, que se fixo popular tras a publicación en 1983 do disco Eliminator, co que se superaron as 17 millóns de copias vendidas.
 

Comentarios