Atacados e Diego Martín actuarán os próximo días 26 na Horta do Seminario de Lugo nun concerto da xira Déjate llevar, que organiza Cadea Dial. Polo escenario, desde as 21.30 horas, pasarán tamén ese día María Parrado, Dani Fernández, Marta Soto, Nil Moliner e Georgina.
Tras o seu primeiro single Ata que salga el sol, Atacados presentaba o seu primeiro traballo discográfico baixo o título No hay relojes si tenemos sueños que converte ao grupo nos referentes do happy pop. Volveron defender a súa postura con Nadie como tú, un tema cargado de enerxía e diversión, que transmite a naturalidade e alegría do amor.
Diego Martín consolidouse co álbum Con los pies en el cielo (2016), un traballo no que se atreveu con ritmos e melodías que marcan certa distancia co que fora a súa discografía. Faio sen perder a esencia da súa identidade como compositor e marcado, como os anteriores, por unhas letras cargadas de emoción e delicadeza.
O álbum en solitario Incendios, de David Fernández, viu a luz da man de dez historias que o artista compuxo. O artista asegura que, con este álbum, quixo plasmar as fases polas que foi pasando. Viviu durante varios anos o éxito a alto nivel como integrante do grupo Auryn, pero tras a disolución da boyband o cantante e compositor decidiu reorientar a súa carreira cara a un estilo máis auténtico e maduro.
A actuación inclúe directos de Marta Parrado, Dani Fernández, Marta Soto, Nil Moliner e Georgina
Desde que saltase á fama por subir cancións a Youtube, a voz de Marta Soto atopou o seu camiño. Nestes vídeos lanzábase a realizar versións doutros artistas. Sorprende moito ver como unha moza tan nova logra atreverse a interpretar cancións de artistas como Pablo Alborán ou Vanessa Martín, dándolles un toque persoal.
A cantante de pop María Parrado (Chiclana de la Frontera, Cádiz; 2001) fíxose coñecida por gañar a primeira edición de La Voz Kids España, en 2014.
O catalán Nil Moliner preséntase en Lugo con tres sinxelos El despertar, Soldadito de hierro y Déjame escapar, que pertencerán ao seu próximo disco, previsto para finais deste ano.
Bienvenido a mimiña habitación (2019) é o cuarto disco de Georgina, aparecido o pasado abril. Estivo precedido dos singles Después de tu adios y Bienvenido a mi habitación.
