A banda catalá Love of Lesbian será un das cabezas de cartel da terceira edición do festival Atlantic Fest, que se celebrará na Illa de Arousa, os días 26, 27 e 28 de xullo de 2019.
Os organizadores do Atlantic Fest confirmaron que o grupo liderado por Santi Balmes, o primeiro nome en ser confirmado para a edición de 2019, actuará na xornada central do festival, o sábado 27 de xullo.
O seu concerto será "especial", segundo o festival, xa que Love of Lesbian repasarán os grandes éxitos da súa carreira xunto a un trío de ventos, percusión, vibráfono e steel guitar.
O Atlantic Fest, un festival de música xa consolidado na oferta cultural das Rías Baixas, volverá celebrarse na contorna natural da praia do Vao, á entrada da Illa de Arousa, e en diferentes localizacións do municipio.
Será cunha programación que, sinalan desde a organización, manterá un ano máis un aforamento limitado para evitar masificarse e que o público poida gozar dun equilibrio "perfecto" entre música, gastronomía e o medio natural.
