A actriz valisoletana Lola Herrera, de 84 anos, sufriu este xoves á noite un desmaio durante a interpretación da obra Cinco horas con Mario no Auditorio Cidade de León do que se recuperou sen que fora necesario o seu ingreso nun centro hospitalario, explicaron a Efe desde a empresa organizadora, Pentación.
A actriz desvaneceuse sobre o escenario cando apenas transcorreran 20 minutos da representación, que se suspendeu, coa consecuente alarma do público que enchía o Auditorio.
Ata o Auditorio de desprazou un equipo de urxencias sanitarias que procederon a examinar á actriz e acompañárona ata a súa total recuperación.
Lola Herrera representara o pasado mércores a obra con total normalidade e a do xoves era a segunda e última posta en escena prevista da obra de Miguel Delibes.
O Concello de León e a empresa Pentación, que xestiona a obra, están a buscar unha nova data para poder levar a cabo a representación sempre en función de que a saúde da actriz o permita.
Tras descansar nun hotel da capital leonesa, Lola Herrera viaxou este venres a Madrid por estrada, segundo confirmaron a Efe fontes da empresa Pentación.
