Despois de sete anos sen un novo disco de estudo en solitario, a preparación do próximo traballo de Joaquín Sabina botou a andar coa colaboración de Leiva na composición das cancións, segundo confirmou o mozo músico madrileño.
"Chamoume Joaquín (Sabina) para traballar xuntos e pareceume un afago. De momento estamos no proceso de terminar as cancións", sinalou José Miguel Conejo, nome real de Leiva, nunha entrevista realizada con motivo do lanzamento do seu propio disco, Monstruos.
Durante a mesma, o compositor de Lady Madrid recoñeceu así mesmo que será el quen exerza de produtor do álbum, o décimo sexto en solitario para Sabina, tras Vinagre y rosas (2009), ao que seguiu La orquesta del Titanic (2012), este xunto a Joan Manuel Serrat.
Leiva, que declarou non saber cando estará listo, tamén deixou entrever que no álbum colaborará o seu excompañero na banda Pereza, Rubén Pozo. "Falamos hai tres días por teléfono para unha cousa que imos facer xuntos nun estudo", dixo. Á pregunta de se esta colaboración podería tratarse tamén do novo disco de Sabina, Leiva respondeu: "Pode ser. Polo momento non podo dicir máis por respecto ao proxecto, porque non está armado".
Leiva traballa como compositor e produtor no novo disco de Sabina
Tamén deixou entrever que no álbum colaborará o seu excompañeiro na banda Pereza, Rubén Pozo
