A banda de rock estadounidense Kiss anunciou esta semana que a súa próxima xira mundial, End of the road, será a da despedida.
Así o indicou o grupo no programa de televisión America's Got Talent e confirmouno máis tarde a través dun comunicado: "Despedímonos coa nosa última xira e co noso espectáculo máis grande ata agora e irémonos da mesma xeito en que chegamos... incorrixibles e imparables".
Non é a primeira vez que Kiss —que foi unha das actuacións estrela do Resurrection Fest deste ano— amaga con deixar os escenarios. No ano 2000 xa aseguraron que non volverían tocar pero, con todo, no 2002 ofreceron novos concertos.
A banda fundouse en 1973 en Nova York e rapidamente converteuse nunha das máis populares dos anos setenta grazas aos seus extravagantes shows.
