Arxentino de nacemento, Julio Cortázar resucitou durante a tarde de onte en terras galegas. Máis concretamente, no Museo de Belas Artes da Coruña, onde tivo lugar 'O soño galego de Julio Cortázar', unha xornada promovida pola Consellería de Cultura, Educación e Orientación Universitaria, e que "rouba" o seu nome ao título da obra de Francisco X. Fernández Naval. Este ourensán decidiu recoller entre páxinas ese desexo que, no seu día, Cortázar manifestou de vir a Galicia. Así o fixo, por aquel entón, nas cartas que escribía ao seu amigo, o pintor Eduardo Jonquiéres, dicíndolle que lle gustaría visitar Redondela en compañía da súa primeira muller, Aurora Bernández. Isto serviu a Fernández Naval como inspiración para profuncidar na relación que o autor de Rayuela creou tanto con Galicia como cos galegos. Un vínculo especial do que merece quedar constancia e que serve, ao mesmo tempo, como unha homenaxe persoal desde o noroeste penínsular polo 100 aniversario do nacemento de Julio Cortázar.
Pero non só se recordou ao escritor arxentino a través do papel. Tras a intervención de Fernández Naval, a xornada 'O soño galego de Julio Cortázar' deu paso ao audiovisual e proxectou 'Cortázar Galicia', unha gravación dirixida por Juan de la Colina na que se recollen os escenarios que o escritor visitou nas súas dúas viaxes a Galicia realizadas nos anos cincuenta -1956 e 1957-. Acompañando a estes escenarios, a curtametraxe ten como peza base as cartas e textos nos que Cortázar plasmou as súas visitas a terras galegas, xunto con fondos fotográficos e fílmicos do autor. A proxección durou un total de quince minutos, e abriu paso a clausúra do peche do evento, que consistía nun coloquio cos autores de ambas as pezas culturais.
Anxo Lorenzo, secretario xeral de Cultura, valorou a celebración desta efeméride como "unha excelente oportunidade para afondar na estreita vinculación que Cortázar mativo con Galicia e cos galegos, así como na pegada dá nosa terra na súa obra literaria”. E engadiu, posteriormente: “Con este motivo, a vixencia de Cortázar e dá súa literatura queremos poñela de manifesto a través dá presenza de Galicia non universo dun dous escritores hispanoamericanos máis relevantes dá literatura de todos vos tempos”.
