O actor José Sancristán asegura que, aínda que non pensou na súa retirada, non quere, "de ningún xeito, iso de morrer coas botas postas". "Irémolo vendo, non depende de min, senón do interese do público e da nai natureza e a súa xenerosidade ou non para comigo", sinalou o actor nunha rolda de prensa en Valencia, onde regresa con Señora de rojo sobre fondo gris, a versión teatral da novela de Miguel Delibes.
Sancristán afirmou que, cando en xuño de 2022 finalice o seu compromiso con esta obra, "o probable é ir pensando en quedar máis tempo en casa". "Cumpro 84 anos dentro duns días e teño serias dúbidas de atopar un texto que me ocupe, pero mentres poida seguir xogando e divertíndome, aquí seguiremos", indicou o veterano actor para engadir que prefire o teatro porque os mecanismos da televisión e o cine cada vez moléstanlle máis.
