O Concello da Coruña porá á venda o xoves, día 21, as entradas para o concerto que dará Van Morrison no Coliseo o 3 de decembro. Segundo informa o consistorio, estarán dispoñibles en Ataquilla desde as 10.00 horas do día 21. En total, sairán á venda 6.760 pases, con prezos que parten dos 40 euros.
Co concerto de Van Morrison, o Concello da Coruña retoma a programación de primeiras figuras internacionais da música e recupera os concertos co público en pé e cunha capacidade máis ampla que as establecidas cáusaa pandemia, aínda que non chega ao 100%.
A actuación, prevista para as 20.30 horas, enmárcase na xira mundial que está a realizar o artista, na que o concerto da Coruña será un dos poucos previstos en España.