'Os Octonautas', 'Os Osos Amorosos', 'Caillou' e 'Pocoyó' demostrarán todo o seu talento da man de Cávea Producións no show 'Clan ¡en vivo!', que chega ao auditorio Gustavo Freire o día 22 con sesións ás 17.00 e 19.30 horas.
"O espéctaculo, organizado por TVE, é participaivo e está pensado para o máis pequenos, de entre 3 e 8 anos. é un show moi áxil no que os nenos o pasan ben, dous números cun descanso no medio para non sobrecargarlos", explicou Ramón García de Cávea Producións.
O escenario adopta a forma dun estudio televisivo para un talent show polo pasarán todos os televisivos personaxes
'Clan ¡en vivo!', está baseado nun simpático talent show, onde todos os protagonistas compiten por ser os mellores na súa especialidade: canción, baile, o mellor DJ, a mellor banda rockeira.
O escenario convértese nun colorista estudio de televisión no que se desenvolverán os catro actos teatralas e o 'happening' final que compoñen o espectáculo, un show de 90 minutos.
O elenco artístico incorpora nesta ocasión un xurado moi especial formado por 'Os Lunnis', que terán a función de animadores irrompendo no escenario e interactuando co público. Nesta tempada incorporouse a figura dun showman, condutor do espectáculo e vínculo entre o mundo fantástico e o real.
"'Caillou' e 'Os Lunnis' son os personaxes máis coñecidos, aínda que todos teñen o seu público e, ao participar todos e mesturarse entre eles, os nenos están encantandos", comentou o produtor.
"Fantasía e diversión" son as palabras que definen ao espectáculo infestado de personaxes coñecidos da pequena pantalla, que intentarán superar os seus propios obxectivos e "facer que o ben acabe triunfando, como sempre".
Clan despídese desta xira presentando o espectáculo nas cidades de Lugo e Ferrol, as dúas únicas datas en territorio galego.
"Esgotamos entradas en Vigo, A Coruña e Santiago en auditorios de 1.700 butacas. De momento levamos vendidas máis ou menos 500 para cada función de Lugo", manifestou García.
As entradas pódense adquirir en www.ataquilla.com e www.caveaproduccioines.com con prezos de 15 ou 17euros.
