A Consellería de Infraestruturas e Vivenda comezará a próxima semana as obras de mellora do asfalto nas estradas LU-212 e LU-642 ao seu paso polos municipios lucenses de Monterroso, Sarria, O Incio e Taboada.
As actuacións, que prevén terminen antes da finalización do ano, forman parte dun contrato máis amplo que se licitou por un importe de máis de 900.000 euros, segundo explicou nun comunicado este sábado a Consellería.
Este proxecto contempla, por unha banda, actuacións de mellora na estrada LU-212 que conecta Taboada e Monterroso. En concreto, a actuación consistirá na reparación do asfalto nos puntos que presentan deformacións, ademais de renovar a sinalización.
Doutra banda, na estrada LU-642, que está entre Oural —en Sarria— e O Inicio, mellorarase a seguridade viaria e as condicións de circulación do tráfico rodado en 8,3 quilómetros deste camiño. Tamén está previsto construír cunetas tendidas de seguridade nalgúns puntos, así como renovar a sinalización e as barreiras onde sexa preciso.
A execución deste proxecto está incluído no plan de reforzos de asfalto que desenvolve o Goberno galego, que nos Orzamentos para 2018 aumentou a súa dotación de 15 a 20 millóns de euros.
Con iso, a Administración autonómica busca conservar a rede viaria autonómica en óptima condicións para incrementar a seguridade e proporcionar aos condutores unhas vías cómodas.
