A Xunta iniciou o proceso de aprobación definitiva do plan de acción contra a contaminación acústica co que, a través dun investimento total de 3,3 millóns de euros, pretende actuar en 34 puntos de 24 viarios galegos para reducir ruídos. Cinco dos puntos atópanse na provincia de Lugo.
O documento permanece en período de exposición pública logo da súa publicación este luns no Diario Oficial de Galicia, segundo informou a Xunta de Galicia.
O obxectivo do plan da Consellería de Infraestruturas e Vivenda é reducir a contaminación acústica que existe nas "contornas residenciais, docentes e sanitarias".
Deste xeito, as actuacións consistirán principalmente en medidas de acougado de tráfico, como redución de límite de velocidade e a instalación de sinalización ou semáforos; así como a renovación do firme ou a instalación de barreiras acústicas.
Estes traballos desenvolveranse en 39 puntos de 24 estradas galegas; 24 delas situadas na Coruña, cinco en Lugo, unha en Ourense e nove en Pontevedra.