Os presidentes provinciais de Lugo, José Tomé, e Pontevedra, Carmela Silva, reivindicaron o papel "protagonista" que consideran que deben xogar as administracións locais na xestión dos fondos de reactivación post pandemia.
Ambos os mandatarios participaron no pleno da Comisión de Deputacións Provinciais, Cabidos e Consellos Insulares da Federación Española de Municipios e Provincias (FEMP), que tivo lugar en Almería.
Alí, o organismo que representa ás administracións locais de España aprobou un acordo proposto polo presidente lugués que propón solicitar ao Goberno a habilitación de fondos de recuperación para melloras de mobilidade no rural.
Segundo explicou Tomé e recolle un comunicado, estas partidas deben servir "asegurar unhas boas comunicacións entre os concellos rurais e entre estes e as zonas urbanas, algo fundamental para o desenvolvemento equilibrado do territorio, para a igualdade de oportunidades, e polo tanto, para manter a poboación".
Carmela Silva valorou a "sensibilidade" do Executivo central á hora de contar coas "suxestións" das administracións locais
Así as cousas, a proposta será incorporada ao documento da FEMP para as negociacións co Goberno estatal en desarollo e aplicación dos fondos europeos, que tanto Silva como Tomei ven necesario aplicar baixo un papel "protagonista" das entidades locais.
"Só así conseguiremos que estes recursos cheguen realmente ao territorio, que respondan as necesidades reais da cidadanía e do tecido produtivo, e que teñan unha verdadeira capacidade transformadora, como é o seu obxectivo", incidiu o tamén alcalde de Monforte.
CARMELA SILVA. Na mesma liña, Carmela Silva valorou a "sensibilidade" do Executivo central á hora de contar coas "suxestións" das administracións locais, que queren "participar activamente" da aplicación dos fondos de recuperación.
"Aínda que os recursos cheguen ás comunidades autónomas porque teñen competencias, ten que haber unha repartición equilibrada para o que as comunidades teñen que contar co mundo local. Teñen que convocar ás deputacións para construír un modelo compartido para a xestión deses fondos", expresou a mandataria pontevedresa.
"O proceso para elaborar a estratexia territorial da sustentabilidade turística está a ser de todo menos participativo"
Neste sentido, Silva advertiu da existencia de sinais "inquietantes" da forma de proceder da Xunta que, ao seu xuízo, opera con falta "de transparencia" en ámbitos como o turismo, onde "idean proxectos" e "redigiren a determinados destinos".
"O proceso para elaborar a estratexia territorial da sustentabilidade turística está a ser de todo menos participativo. A mesma Xunta que esixe ao Goberno máis participación da toma de decisións, nin consultou coas deputacións e os principais destinos turísticos as prioridades anuais", aseverou a mandataria provincial.
