O PSOE lucense selará a unidade antes do congreso provincial do próximo día 30. No partido dáse por ultimado un acordo entre José Tomé e Xosé María Arias que outorgará a secretaría xeral ao presidente da Deputación e evitará transmitir unha imaxe de fractura interna nun momento no que o partido busca o seu relanzamento tras a elección de Valentín González Formoso como líder galego.
A vontade de pacto entre os candidatos coñeceuse ás portas do inicio da campaña polo liderado do partido en Lugo, que debía arrincar este sábado, e garantiría un desexo de acordo que existía na cúpula da formación en Galicia e tamén entre a propia militancia da provincia, cansada de transmitir ante a opinión pública unha imaxe de división.
O acordo entre os dous socialistas confirmaría o liderado de Tomé, presidente da Deputación e alcalde de Monforte, pero incluiría tamén o recoñecemento de peso político ao rexedor de Castroverde, que podería pasar a ter máis protagonismo na organigrama interno dos socialistas lucenses e incluso dentro da propia Deputación.
Arias, que actualmente é deputado de cooperación e asistencia aos concellos, podería recibir así novas encomendas do presidente provincial, aínda que iso podería obrigarlle a abordar certa reorganización do seu equipo na Deputación.
Nalgúns ámbitos especúlase incluso con que o rexedor de Castroverde poida asumir novas competencias en materia de vías e obras no ente provincial.
No partido apuntan que tanto os militantes que apoiaban a candidatura de Tomé como os que apoiaban a Arias eran favorables a un acordo e vían con receo calquera situación que puidese abrir feridas internas, algo moi pouco recomendable, e menos cando os partidos o que se centran agora é empezar a preparar xa as eleccións municipais do próximo ano.
A situación víase como insólita no partido, dado que os dous candidatos son partidarios de Valentín González Formoso
Pero se dá tamén por feito que a dirección galega habería animado á procura desa unidade. Eses poden ser factores decisivos no achegamento de posturas entre dous políticos aos que se presupón, ademais, puntos de acordo, ata o punto de que ambos apoiaron a Valentín González Formoso como líder do partido en Galicia.
No partido dábase onte á noite como moi probable que entre este fin de semana e o
Xosé María Arias, pola súa banda, recoñecía que hai conversacións e que todo é posible".
Arias, que utilizou unha linguaxe máis dura na precampaña, non foi tradicionalmente un home proclive aos pactos. Viuse en episodios anteriores do partido. Pero tamén Tomé recoñeceu nalgunha ocasión o valor de gañar.
Con todo, a nova etapa aberta no partido en Galicia sería decisiva para a disposición de ambos os candidatos a un acordo que permita dar estabilidade inmediata ao partido.
Resolveríase tamén unha situación un tanto anómala: o feito de que dous partidarios de Formoso compitan entre eles.
Lugo era a única provincia onde se daba esa situación, xa que en Ourense a pugna é entre dúas caballeristas, mentres que en Pontevedra e A Coruña os candidatos representan as correntes encabezadas por González Formoso e Gonzalo Caballero.
Avais. Ambos lograron reunir os avais para competir polo liderado. Tomé, de feito, superou os 600, máis do dobre dos precisos.