As previsións meteorolóxicas anunciaban que a deste venres sería unha xornada tórrida en Lugo e Galicia, e acertaron de pleno. Os termómetros da rede de estacións de Meteogalicia puxeron cifras ao sufoco co que viviu o día boa parte da provincia, onde Pantón se volve levar a palma cunha máxima de 38,5 graos. É tamén a máxima galega, compartida con Leiro.
Nunha provincia na que non é fácil atopar un recuncho que escapase ás altísimas temperaturas, Ribas de Sil alcanzou os 37,3 graos e Lourenzá os 37, rexistros próximos aos 36,9 de Sober ou aos 36,7 de Monforte. Non en balde a lista das localidades que superaron os 35 é longa, e vai do Valadouro ou A Pontenova a Bóveda, pasando por
Tras esta tórrida xornada, na que a cidade de Ourense se torrou a 38 graos e, en Pontevedra, Salvaterra de Miño superou os 36, as proxeccións de Meteogalicia anuncian unha baixada das temperaturas para este sábado na comunidade. Así, Lugo pasará dos 35 graos deste venres a uns 30. E verá caer o termómetro outros cinco graos o domingo.
