O norte da provincia de Lugo rexistrou dous terremotos nos últimos días. O primeiro tivo lugar en Meira o xoves pasado, ás 19.50 horas, cunha intensidade de 2,2 graos na escala Richter.
O segundo rexistrouse en Mondoñedo a madrugada deste venres, ás 1.51 horas, cunha intensidade lixeiramente menor, de dous graos, segundo os datos facilitados polo Instituto Xeográfico Nacional. Esta actividade sísmica pasou desapercibida para a poboación de senllos municipios.