A provincia de Lugo rexistrou tres pequenos terremotos nos últimos días, todos eles de baixa intensidade e apenas perceptibles polos veciños. O primeiro sucedeu o luns con epicentro na capital lucense ás 15 horas, segundo o Instituto Xeográfico Nacional, que o rexistrou cunha magnitude de 1,7 graos na escala de Richter.
O segundo tivo como epicentro Folgoso do Courel ás 6.49 da mañá do martes, e cunha magnitude establecida nun grao e medio. O mesmo martes pola noite, ás 23.00, o municipio de Navia de Suarna sufría outro tremor, de 1,9 graos.
