A Consellería de Cultura, Educación, Formación Profesional e Universidades, coa colaboración da fundación Alcoa e O Progreso, puxo en marcha unha nova convocatoria do programa Lanzadeiras Lugo, que na súa sétima edición continúa fomentando o emprendemento entre os alumnos non universitarios. Deste xeito, o plan vai dirixido aos centros educativos públicos da provincia que teñan 6º de primaria, Iso, bacharelato ou FP, que disporán de prazo de presentación de solicitudes ata
As actividades que se contemplan nesta iniciativa, enmarcada no plan Eduemprende, distribúense en dúas fases. A primeira consiste en desenvolver unha miniempresa, implicando ao alumnado e ao profesorado do centro. De feito, un docente exercerá como coordinador do proxecto, garantindo a comunicación entre os integrantes do grupo, mentres que os demais profesores que participen no proxecto serán colaboradores.
A segunda fase é o concurso de miniempresas, onde só quedarán aquelas seleccionadas no programa. Os seus desarrolladores deberán facer unha presentación do proxecto en formato audiovisual, de non máis de cinco minutos e podendo empregar reforzos como diapositivas, pósteres, debuxos ou fotografías. Así mesmo, esta introdución ten que incluír nome comercial, descrición da actividade empresarial, organigrama, sector de referencia, localización, organización e beneficios para a contorna. Neste caso, a data límite de entrega será
En canto aos premios, a mellor proposta recibirá 3.000 euros de gratificación, a segunda percibirá 2.000 e a terceira, 1.000. E sobre o financiamento, o importe destinado á creación de miniempresas e ás actividades formativas ascende a 38.582 euros con cargo aos orzamentos da consellería, e a contía máxima que pode recibir cada proxecto non superará os 3.125 euros.
Con esta nova edición de Lanzadeiras buscarase dar substitución ás iniciativas presentadas en anos anteriores, as cales replican de forma realista o funcionamento dunha empresa.
¿Como presentar as solicitudes?
Os centros interesados deberán presentar a solicitude —dispoñible na edu.xunta. gal— dun escrito que recolla nome da miniempresa, breve definición, obxectivos, fases, proposta de orzamento, selección dos participantes, organigrama, avaliación, participación da comunidade educativa e difusión do proxecto.
¿Onde envíanse?
As solicitudes deberanse enviar desde o email do centro ao correo electrónico solicitudes. [email protected] co asunto Solicitude programa Lanzadeiras 2022- 2023.
¿Que se valora?
Para a selección dos centros valórase o carácter innovador do proxecto, a súa planificación e viabilidade, a integración de materias, o plan de difusión e o plan de avaliación do cumprimento dos obxectivos.
