O PP declárase "aberto" a negociar os orzamentos da Deputación de Lugo

A residencia de Castroverde é o principal escollo para que os populares apoien as contas provinciais

Elena Candia. J. ÁLVEZ
photo_camera Elena Candia. J. ÁLVEZ

A portavoz do PP na Deputación de Lugo, Elena Candia, asegurou que o seu grupo está "aberto" a negociar os orzamentos provinciais, cuxo borrador presentaba este martes o presidente, Darío Campos, que ascenden a máis de 88 millóns de euros e que levarán ao pleno do próximo 27 de novembro.  Así, Candia subliñou que o seu grupo, maioritario con doce deputados fronte a dez do PSOE, dous do BNG e un non adscrito; "sempre" estivo "aberto" a negociar. 

"A provincia non pode pagar un prezo tan caro como impedir que teña uns orzamentos, aínda que nos últimos tres anos trasladouse a responsabilidade de gobernar aos concellos", dixo. Así, e aínda criticando que "a Deputación non ten proposta para esta provincia", destacou que non pode "paralizarse a obra pública" ou "pechar as asociacións con todo o tecido social que depende de subvencións nominativas". 

Outro aspecto que censurou é que as contas llas entregaron na mañá deste mércores. "Se nós tivésemos o documento completo a semana pasada, hoxe teriamos un pronunciamiento claro", dixo Candia. 

"O noso posicionamento di o que ve con maior claridade, que neste momento a residencia de Castroverde non ten garantida a súa xestión e estamos a incumprir un acordo plenario, sen entrar cos incumprimentos dos acordos de Suplusa", apuntou. 

A residencia de Castroverde é o principal escollo para dar o visto e prace a estes orzamentos, xa que os populares reclaman que a súa xestión "apareza reflectida" nas contas, para obter o visto e prace do grupo popular. 
 

Comentarios