A provincia de Lugo ten outro evento máis que incluír no seu calendario festivo anual: a Portomarín BeerFest, dedicada ás cervexas artesanais de distintas partes do mundo. A notable afluencia de público, con abarrotes vespertinos, superou as expectativas dos organizadores desta primeira edición, que case esgotaron as existencias das 30 marcas que se repartiron nos seis postos instalados na Praza do Camiño. A oferta, que incluía produtos nacionais e internacionais, tivo moito tirón.
"Houbo moita xente, e parte dos que viñeron o sábado pola tarde, pasaron a noite aquí e están de novo connosco. Estamos moi contentos da resposta", comentou este domingo Manuel Pombo. Chegaron visitantes de toda Galicia, parte deles en autobús, como a expedición que arribou desde Santiago pouco antes das dúas da tarde. Era notoria a presenza de asturianos e madrileños. "Parte deles aproveitaron a ponte festiva para percorrer a Ribeira Sacra", agregou Pombo.
Os organizadores pensan na segunda edición de "
