A presenza do coronavirus nos municipios lucenses continúa á baixa e xa son once os concellos que acumulan 14 días libres de covid: Antas de Ulla, Barreiros, Cervo, Folgoso do Courel, Xermade, Lourenzá, Navia de Suarna, Negueira de Muñiz, Pol, Ribeira de Piquín e Trabada.
Con todo, a situación continúa sendo alarmante en Guitiriz, que tras contabilizar 115 infectados nas últimas dúas semanas sitúa a incidencia acumulada nos 2.095 casos casos por cada 100.000 habitantes. En apenas dez días, coa hostalería pechada e a resaca do Nadal máis que pasada, as cifras multiplicáronse no concello chairego, converténdoo no concello coa incidencia máis alta de Galicia.
Os datos actualizados este mércores polo Sergas revelan que a taxa de contagios en relación á poboación mantense asímismo elevada en Sober (796 casos por cada 100.000 habitantes nos últimos 14 días), O Corgo (672) e Monforte de Lemos (540), ademais de en A Pobra do Brollón, onde a cociente se sitúa en 613, e Taboada (515).
Na capital lucense, os 282 positivos detectados en dúas semanas sitúan o indicador en 286.
COMARCAS. Na Chaira, ademais de nbsp;Guitiriz&preocupa a situación de Vilalba, cunha taxa de 462 casos por cada cen mil habitantes, mentres que en Castro de Rei o cociente alcanza os 237 e en Cospeito, os 319.
En canto á Ribeira Sacra, son varios os concellos cunha elevada incidencia do virus. Ademais de Sober, Monforte, A Pobra do Brollón e Taboada, tamén se atopa alta en Pantón, onde as súas 10 casos en 14 días elevan a taxa aos 407.
Outros concellos lucenses cun impacto significativo do virus en relación á súa poboación son Guntín (380), Palas de Rei (361), Outeiro de Rei (211), Sarria (195), Baralla (175) ou Burela (105).
CIDADES. O descenso dos casos evidencíase tamén nas sete principais urbes galegas, que melloran datos, salvo Lugo, onde a situación non varía con respecto ao martes. A Coruña segue sendo a cidade con maior incidencia e Vigo, a menos afectada.
CIDADE | CASOS EN 14 DÍAS | INCIDENCIA ACUMULADA |
A Coruña | 1.307 | 528 (-33) |
Ferrol | 316 | 482 (-21) |
Pontevedra | 275 | 330 (-18) |
Ourense | 322 | 305 (-35) |
Santiago | 277 | 283 (-18) |
Lugo | 282 | 286 (=) |
Vigo | 641 | 216 (-26) |