Máis de 10.000 cazadores comezasen este domingo a percorrer os cotos e tecores lucenses coa apertura da tempada, que se prolongará ata o 6 de xaneiro para algunhas especies. Xoves, domingos e festivos serán os días habilitados na regulación publicada no Diario Oficial de Galicia, con algunhas excepcións segundo a especie.
Os cazadores lucenses comezan esta tempada con altas expectativas tras os problemas que a seca ocasionou a pasada campaña, que supuxo que diminuísen considerablemente o número de capturas nos cotos e tecores da provincia lucense.
As máis de 10.000 licenzas de caza que se expediron na provincia, celebran medidas como a ampliación do período hábil para a captura do xabaril, que este ano concluirá o día 3 de febreiro, dúas semanas máis con respecto á tempada pasada.
Dentro da regulamentación facilitada por parte da Xunta de Galicia, contémplase que para a práctica de caza menor nos terreos de aproveitamento cinexético común non se poderá cazar en grupos maiores de seis persoas, nin coordinadamente máis dun grupo. Ademais, cada cazador poderá utilizar un máximo de catro cans, cun número tope por grupo de doce sabuesos.
