domingo. 28.02.2021 |
El tiempo
domingo. 28.02.2021
El tiempo

Lugo e Monforte seguen en nivel de alerta vermello e Bóveda sobe a laranxa

Burela e Cospeito baixan a amarelo segundo o semáforo do Sergas

Lugo e Monforte continúan este venres no nivel vermello de alerta pola incidencia do covid-19, mentres que Bóveda sobe a laranxa, unha situación na que se manteñen Cospeito, A Fonsagrada e Viveiro. Burela e Cospeito reducen o nivel a amarelo, no que seguen Sarria, Foz e Antas de Ulla.

O número de municipios galegos no nivel máximo de alerta, o 3, pola incidencia de coronavirus na última semana aumentou este xoves ata 44, tres máis que a xornada anterior. 

Mapa de Galicia

En concreto, subiron ata esta situación os municipios coruñeses de Boqueixón e Cerceda, así como os pontevedreses de Nigrán e Cambados. Mentres tanto, descendeu a incidencia en Viana do Bolo (Ourense), que pasou de vermello a amarelo –do nivel 3 ao 1– en 24 horas. 

No mapa semáforo que diariamente actualiza a Consellería de Sanidade, continúan no nivel máximo de alerta por coronavirus as sete cidades: A Coruña, Ferrol, Santiago, Pontevedra, Vigo, Lugo e Ourense. 

Ademais, están en alerta vermella os municipios coruñeses de Culleredo, Ames, Arteixo, Cambre, Carballo, Fene, Muros, Narón, Oleiros, Pontedeume, Vimianzo e Teo. Na provincia de Ourense, permanecen Barbadás, O Carballiño, Ribadavia, Verín e Xinzo de Limia. 

Na provincia de Pontevedra, continúan na situación 3 Cangas, A Estrada, Gondomar, Lalín, Marín, Poio, O Porriño, Ponteareas, Redondela, Ribadumia, Salvaterra de Miño, Silleda, Soutomaior, Tui e Vilagarcía de Arousa. Así mesmo, en Lugo tan só está en alerta vermella Monforte de Lemos, á parte da capital. 

A entrada no nivel máximo de risco de todas estas localidades implica que detectaron máis de 21 casos de coronavirus nos últimos sete días. Con todo, nas urbes de máis de 50.000 habitantes, o limiar para detectar o aviso vai en función do tamaño: Ferrol –máis de 76 casos nunha semana–, Pontevedra –máis de 96–, Santiago –máis de 112–, Lugo –máis de 112–, Ourense –máis de 120–, A Coruña –máis de 276– e Vigo –máis de 332–.

ALERTA LARANXA. Mentres, en situación dúas –na cor laranxa do mapa– sitúanse 26 municipios, os mesmos que este xoves, dos que 11 están na provincia de strong<> A Coruña: Ares, Arzúa, Boiro, Brión, A Laracha, Ordes, Ponteceso, Sada, Santa Corda, Valdoviño e Oza-Cesuras; tres na de Lugo: Bóveda, A Fonsagrada e Viveiro; e só un na de Ourense: Allariz. 

No caso de Pontevedra, son 11 os que figuran neste nivel de alerta: Vila de Cruces, A Cañiza, Cuntis, Vilaboa, Fornelos de Montes, Mos, Salceda de Caselas, Cercedo-Cotobade, Tomiño, Baiona e A Guarda. 

En cor laranxa inclúense concellos de máis de 50.000 habitantes con entre 138 e 332 casos novos de covid-19 á semana por 100.000 habitantes e nos de menor poboación que presenten entre 14 e 20 casos. 

Lugo e Monforte seguen en nivel de alerta vermello e Bóveda sobe a...
comentarios